Almatyda ústel tennısinen halyqaralyq WTT Youth Contender týrnıri bastaldy

ASTANA. KAZINFORM – Búgin, 23 shildede Almatyda ústel tennısinen halyqaralyq WTT Youth Contender týrnıri bastaldy.

QR UOK málimetinshe, baıraqty básekege 16 ulttyq quramanyń namysyn qorǵaıtyn 235 sportshy qatysyp jatyr.

Qazaqstan jasóspirimder quramasynan túrli jas sanattarynda 86 tennısshi óner kórsetedi.

Júldeli oryndar kelesi sanattar boıynsha sarapqa salynady:

1. 11 jasqa deıingi uldar men qyzdar – jekeleı syn;

2. 13 jasqa deıingi uldar men qyzdar – jekeleı syn;

3. 15 jasqa deıingi jasóspirimder men qyzdar – jekeleı syn;

4. 17 jasqa deıingi jasóspirimder men qyzdar – jekeleı syn;

5. 19 jasqa deıingi jasóspirimder men qyzdar – jekeleı syn;

6. 15 jasqa deıingi aralas juptyq syn;

7. 19 jasqa deıingi aralas juptyq syn.

Týrnırdiń tikeleı kórsetilimin Qazsport telearnasynan kórýge bolady.

Aıta keteıik, qazaqstandyq tennısshi Elena Rybakına ulybrıtanııalyq Emma Radýkanýmen birge juptyq synda Vashıngton (AQSh) WTA 500 týrnırin jeńispen bastady.