Almatyda ustalǵan shekara qyzmetiniń podpolkovnıgi sottaldy
ALMATY — KAZINFORM. Almatyda shekara qyzmetiniń podpolkovnıgi byltyr kóktemde kámeletke tolmaǵan balaǵa qatysty jynystyq sıpattaǵy qylmys jasaýǵa talpyndy degen kúdikpen ustaldy.
2024 jylǵy naýryzda áleýmettik jelilerde shekaralyq bólim ofıtseriniń ustalǵany jáne onyń pedofılııaǵa qatysýy bolýy múmkin degen aqparat tarady.
Sol kezde Almaty polıtsııa departamenti bul derek boıynsha sotqa deıingi tergeý bastalǵanyn rastaǵan edi.
Іs qaralyp, sot úkimi shyqqany belgili boldy.
— 2024 jylǵy 29 tamyzdaǵy sot úkimimen azamat K. jeke tulǵaǵa qarsy qylmystyq quqyqbuzýshylyq jasaǵany úshin kináli dep tanylyp, sottaldy. Qylmystyq-protsessýaldyq kodekstiń 29-babyna sáıkes is jabyq sot otyrysynda qaraldy. Úkim zańdy kúshine endi, — dep málimdedi agenttik saýalyna jaýap bergen Bas áskerı prokýrordyń orynbasary Іlııas Saǵatov.
Podpolkovnıktiń naqty qandaı baptar boıynsha jáne qansha merzimge sottalǵany resmı túrde jarııa etilmegen. Alaıda birqatar BAQ pen áleýmettik jelide arnaıy aýdanaralyq áskerı sottyń úkimimen ol 13 jylǵa bas bostandyǵynan aıyrylǵany aıtylyp jatyr.