Almatyda ustalǵan mamandandyrylǵan HQO basshysynyń orynbasary jazaǵa tartylmady

ALMATY. KAZINFORM – Almatydaǵy arnaıy HQO basshysynyń orynbasary alaıaqtyq jasady dep kúdikke ilingen edi. Alaıda ol keltirilgen zalaldy ótep, jábirlenýshimen tatýlasqan.

Sybaılas jemqorlyqqa qarsy qyzmettiń málimetinshe, atalǵan laýazymdy tulǵa kásipkerden qujattardyń kedergisiz qabyldanýyna jáne avtomektep tálimgerleriniń júrgizýshi kýáligin alý emtıhandaryna jiberilýine kómektesemin degen jeleýmen 930 myń teńge alǵan.

Redaktsııanyń saýalyna bergen jaýabynda Sotqa deıingi tergeý qyzmeti basshysynyń orynbasary Tımýr Qyryqbaev Almaty qalasy boıynsha «Azamattarǵa arnalǵan úkimet» memlekettik korporatsııasy» KEAQ fılıaly №1 mamandandyrylǵan bólimi basshysynyń S.-ǵa qatysty qylmystyq is sotqa joldanǵanyn málimdedi.

— Sot qaýlysymen ol kinásin tolyq moıyndaýyna, jábirlenýshimen tatýlasýyna jáne keltirilgen zalaldy óteýine baılanysty qylmystyq jaýapkershilikten bosatyldy, — dep naqtylady ol.

Eske salaıyq, byltyr mamyr aıynda Almaty arnaıy HQO basshysynyń orynbasary alaıaqtyqpen ustalǵanyn jazǵanbyz.