Almatyda ustalǵan 6 mıkroqarjy uıymynan kelgen shyǵyn 30 mlrd teńgeni qurady

ASTANA. KAZINFORM – Bul týraly Qarjylyq monıtorıng agenttiginiń baspasóz qyzmeti habarlady.

Onda buǵan deıin QMA-nyń Almaty qalasynda alty mıkroqarjy uıymynyń zańsyz qyzmeti áshkerelengeni týraly habarlanǵan.

Qarjy naryǵyn retteý jáne damytý agenttiginiń sheshimimen eki kompanııa mıkroqarjylyq qyzmetti júzege asyrý lıtsenzııasynan aıyryldy, sondaı-aq taǵy tórt affılırlengen MQU-ǵa qatysty tekserý júrgizilip jatyr.

Belgili bolǵandaı, alty mıkroqarjy bir qurylym retinde jumys atqarǵan, olar bir keńseni paıdalanyp, onda 200-den astam qyzmetker jumys istegen, al olardyń qyzmeti sheteldik azamattardyń baqylaýynda bolǵan.

Sot, qaryz alýshylardyń 130 kepildik shartyn jaramsyz dep taný týraly talaptaryn qanaǵattandyrdy, osylaısha azamattar mindettemelerden bosatyldy, al MQU alynǵan qarajatty qaıtarýǵa mindetteldi.

Eske sala keteıik, olardyń áreketteriniń nátıjesinde 327 myńnan astam adam zardap shekti, keltirilgen zalal 30 mlrd teńgeni quraıdy.

- Agenttiktiń bastamasymen Almaty qalasynyń prokýratýrasy 327 myń azamattyń múddesi úshin sotqa aryz túsirdi, - delingen habarlamada.

Osyǵan deıin «Asar Baspana» qarjy pıramıdasy 86 myńnan astam azamattan 12,4 mlrd teńge tartqany týraly jazdyq.