Almatyda úsh kólik soqtyǵysty: zardap shekkender bar
ALMATY. KAZINFORM – Raıymbek dańǵylynda túnde úsh kólik soqtyǵysyp, saldarynan úsh adam zardap shekti.
Onyń vıdeosy áleýmettik jelide tarady.
Almaty qalalyq polıtsııa departamentiniń málimetinshe, jol apaty 26 qańtar kúni túnde, saǵat 23:45 shamasynda Alataý aýdanynda boldy.
– Toıota markaly shaǵyn júk kóliginiń júrgizýshisi Raıymbek dańǵylymen shyǵys baǵytta, Saın kóshesinen shyǵysqa qaraı kele jatyp, qarsy jolaqqa shyǵyp ketip batys baǵytta júrip ketip bara jatqan eki Hyundai kóligimen soqtyǵysqan. Artynsha shaǵyn júk kóligi aýdarylyp qaldy, – dep túsindirdi qalalyq polıtsııa departamentiniń baspasóz qyzmeti.
Apat saldarynan úsh adam zardap shekti. Olarǵa medıtsınalyq kómek kórsetildi.
Alataý aýdandyq polıtsııa basqarmasy tergeýge kiristi.
Buǵan deıin Almatyda mas kúıinde jasóspirimdi qaǵyp, oqıǵa ornynan qashyp ketken júrgizýshi sottalǵan bolatyn.