Almatyda úsh qabatty ǵımarattaǵy órt sóndirildi
ALMATY. KAZINFORM – Aldyn ala málimet boıynsha órt 850 sharshy metrdi sharpyǵan.
Tótenshe jaǵdaılar mınıstrliginiń málimetinshe, qyzyp turǵan metall konstrýktsııalardyń bir bóligi opyrylyp túsken. Tyǵyz ornalasqan qurylys nysandary jalynnyń odan ári taralý qaýpin kúsheıtken.
Alataý aýdanyndaǵy úsh qabatty ǵımarattaǵy órtti sóndirýdi birneshe faktor qıyndatqan. Órt sóndirýshiler jetken kezde ǵımaratta jalynnyń qarqyny kúsheıip ketken. Sonymen qatar ashyq turǵan terezeler arqyly aýa kirip, ottyń tez taralýyna áser etken.
Nysan qaladaǵy eń kóp júk túsetin avtomagıstraldardyń birinde ornalasqandyqtan, arnaıy tehnıkanyń kirýi de qıyn boldy.
Qazirgi ýaqytta órttiń shyǵý sebebi anyqtalyp jatyr.
Eske salaıyq, buǵan deıin ǵımarattan tórt gaz ballony, eki ottegi ballony jáne TBS aýmaǵynan úsh avtokólik shyǵarylǵanyn habarlaǵan edik.