Almatyda úsh qabatty ǵımaratta shyqqan iri órt sóndirilip jatyr

ALMATY. KAZINFORM — Búgin, 1 qyrkúıekte Almatynyń Alataý aýdanynda ornalasqan Danchenko kóshesindegi úsh qabatty ǵımarattan iri órt shyqty.

Almaty tótenshe jaǵdaılar departamentiniń málimetinshe, oqıǵa ornyna birinshi bolyp jetken órt sóndirý bólimsheleri órttiń qarqyny joǵary ekenin habarlady.

Órt sóndirýshiler oqıǵaǵa joǵary dárejeli shaqyrtý boıynsha jumyldyrylyp, órtti sóndirý úshin barlyq qajetti sharany qolǵa aldy. Qatty tútin men joǵary temperatýra jumysty qıyndatqan. Sonymen qatar alǵashqy bólimsheler oqıǵa ornyna jetkenshe kólik keptelisine tap bolǵan, bul órt sóndirý jumystaryna kedergi keltirgen.

Qazirgi ýaqytta órtti tolyq sóndirý jumystary jalǵasyp jatyr.

— Oqıǵa ornynda arnaıy órt sóndirý shtaby qurylyp, órtti sóndirýge birneshe sý oqpandary tartyldy. Sý úzdiksiz berilip, órtti oqshaýlaý jumystary qarqyndy júrgizilip jatyr, — delingen habarlamada.

Ǵımarattan tórt gaz ballony, eki ottegi ballony, sondaı-aq tehnıkalyq qyzmet kórsetý stantsııasynan úsh avtokólik evakýatsııalandy.

Eske salaıyq, buǵan deıin Almaty oblysyndaǵy Qaraısaı aýdanyna qarasty Turar aýylynda qurǵaq shóp órtenip, ol aýyl mańyndaǵy saıajaılar men sharýashylyq qurylystardy da sharpyǵan edi. Órt saldarynan úsh adam mert boldy.