Almatyda úsh avtobýstyń baǵyty ýaqytsha ózgeredi
ALMATY. KAZINFORM — Almatyda 9 qazannan bastap Nurkent yqshamaýdanynda jáne Almalybaq aýylynda joldardyń jabylýyna baılanysty birneshe avtobýs baǵytynyń qozǵalys syzbasy ýaqytsha ózgeredi.
Qalalyq kólik holdınginiń habarlaýynsha, № 78, № 105 jáne № 109 baǵyttarǵa qatysty bolady.
№ 105-baǵyt.
Ońtústik baǵytta avtobýstar Momyshuly kóshesimen júrip, Nurkent yqshamaýdanyna kirmeıdi, ári qaraı ádettegi syzba boıynsha qozǵalady.
Keri baǵyttaǵy qozǵalys ózgerissiz qalady.
№ 109-baǵyt.
Ońtústik baǵytta: Momyshuly kóshesi — Ýnıversıada kóshesi — Rysqulov dańǵyly (soltústik baǵytqa burylys) — Ýnıversıada kóshesi — Momyshuly kóshesi, ári qaraı qalypty baǵytpen júredi.
Keri baǵyt — ózgerissiz.
№ 78-baǵyt.
Batys baǵytta: M36 tasjoly — 19 shaqyrymdaǵy burylys — Shegebaev kóshesi — Talǵat Tegis kóshesi, ári qaraı syzba boıynsha.
Keri baǵytta: Talǵat Tegis kóshesi — Shegebaev kóshesi — M36 tasjoly (shyǵys baǵytqa burylys), ári qaraı qalypty baǵytpen júredi.
Atalǵan ózgerister ýaqytsha engiziledi.
Eske salaıyq, buǵan deıin Almatyda jańa avtobýs parkteri salynyp, gaz toltyrý kompressorlyq stantsııalary ashylatynyn jazǵan edik.
