Almatyda úsh avtobýstyń baǵyty ózgeredi
ALMATY. KAZINFORM — 21 qazannan bastap Almatyda № 64, 218 jáne 238 avtobýs marshrýttarynyń qozǵalys baǵytyna ózgerister engiziledi.
Kólik holdınginiń málimetinshe, № 64 baǵytyndaǵy ózgerister Syrǵabekov kóshesiniń Almaty kóshesinen Ál-Farabı dańǵylyna deıingi bóliginde káriz jelisin qaıta jańǵyrtý jumystaryna baılanysty engiziledi.
№ 64
Batys baǵytta: Vostochnaıa kóshesi (batys) — Syrǵabekov kóshesi (soltústik) — Ál-Farabı dańǵyly (shyǵys) — «Esentai Mall» saýda-oıyn-saýyq ortalyǵy — Ál-Farabı dańǵyly boıymen batys baǵytta keri burylý — Serkebaev kóshesi (soltústik) — ári qaraı syzbaǵa sáıkes.
Shyǵys baǵytta: Esenalıev kóshesi (ońtústik) — Almatınskaıa kóshesi (shyǵys) — Esenalıev kóshesi (soltústik) — Ál-Farabı dańǵyly (shyǵys) — Syrǵabekov kóshesi (ońtústik) — Vostochnaıa kóshesi (shyǵys) — ári qaraı syzbaǵa sáıkes.
Sonymen qatar 21 qazannan bastap № 218 jáne № 238 avtobýs marshrýttarynyń qozǵalysy da ózgeredi.
№ 238 avtobýs Saıyn kóshesiniń ornyna Baýyrjan Momyshuly kóshesimen qatynaıdy.
Al № 218 avtobýstyń qozǵalysy Baýyrjan Momyshuly jáne Tóle bı kósheleri arqyly uıymdastyrylady. Sonymen birge marshrýttyń baqylaý núktesi «Avtostantsııa» aıaldamasyna aýystyrylady.
Úsh baǵyttyń jolaýshylaryna saparlaryn josparlaý kezinde engizilgen ózgeristerdi aldyn ala eskerý usynylady.
Eske salaıyq, almatylyqtar lyq tolǵan avtobýstarǵa shaǵymdanyp jatqany habarlandy.
