Almatyda urlanǵan múlikti zańsyz satqan tulǵalar ustaldy

ALMATY. KAZINFORM — Almaty qalasy Medeý aýdanynyń prokýratýrasy, aýdannyń Polıtsııa basqarmasymen birlesip «Kók bazar» jáne «GÝM» saýda úıiniń aýmaǵynda reıdtik is-sharalar ótkizdi. Bul týraly Almaty qalasy prokýratýrasy málim etti.-

Tekserýlerdiń negizgi maqsatyquqyq buzýshylyqtyń aldyn-alý, qylmystyq jolmen alynǵan múlikti satyp alý, sondaı-aq zergerlik buıymdardy zańsyz satý faktilerin anyqtaý.

Reıdter barysynda potentsıaldy problemalyq saýda núktelerine jáne quqyqqa qarsy qyzmetti júzege asyratyn tulǵalarǵa erekshe nazar aýdaryldy.

— Іs-sharalardyń nátıjeleri boıynsha Qazaqstan Respýblıkasynyń Ákimshilik quqyq buzýshylyqtýraly kodeksiniń 449-baby 1-bóliginde jáne 505-baby 1-bóliginde kózdelgen besten astam ákimshilik quqyq buzýshylyq anyqtaldy. Árbir fakti boıynsha ákimshilik hattamalar jasalyp, kináli tulǵalar zańda belgilengen jaýaptylyqqa tartyldy, — delingen habarlamada.

Sonymen qatar aýdan prokýratýrasynyń úılestirýimen jedel-izdestirý sharalary sheńberinde Almaty qalasynyń Krımınaldyq polıtsııa qyzmetkerleri urlanǵan múliktiń zańsyz aınalymyna qatysy bar qala turǵynyn anyqtap, ustady. Tintý barysynda onyń turǵylyqty jerinen, urlanǵan 30 uıaly telefon jáne 2 planshet tabylyp, tárkilendi.

Qazirgi ýaqytta alty uıaly telefonnyń zańdy ıeleri anyqtaldy. Alynǵan basqa múlik boıynsha jábirlenýshilerdi anyqtaý jumystary júrgizilgen.

Osy fakti boıynsha Qazaqstan Respýblıkasy Qylmystyq kodeksiniń 196-babymen (kórineý qylmystyq jolmen alynǵan múlikti zańsyz satyp alý nemese satý) sotqa deıingi tergep-tekserý bastaldy. Sottyń sanktsııasy boıynsha kúdikti qamaýǵa alyndy. Sotqa deıingi tergep-tekserý jalǵasyp jatyr.

Almaty qalasynyń prokýratýrasy Qazaqstan Respýblıkasynyń Qylmystyq kodeksinde kórineý qylmystyq jolmen alynǵan múlikti satyp alý jáne satý úshin qamaýǵa alý jáne bes jylǵa deıingi merzimge bas bostandyǵynan aıyrýǵa deıin jaýaptylyq kózdelgenin eskertedi.

Buǵan deıin Almatyda páterlerge urlyqqa túsip júrgen kúdikti ustalǵan edi.