Almatyda ýnıversıtetterge bomba qoıylǵany ras pa
ALMATY. KAZINFORM – Almatydaǵy JOO-larǵa bomba qoıylǵany týraly aqparat rastalmady.
Almaty qalasy polıtsııa departamentiniń málimetinshe, qalanyń ártúrli aýdandarynda ornalasqan úsh joǵary oqý ornynda jarylǵysh zat qoıylǵany týraly habarlama túsken. Sondyqtan jedel áreket etý sharalary aıasynda atalǵan nysandarǵa shuǵyl qyzmetter jiberilgen.
- Ǵımarattar men olarǵa irgeles aýmaqtar qaýipsizdik talaptaryn saqtaı otyryp, keshendi tekserýden ótkizildi. Tekserý nátıjesinde jarylǵysh zat qoıylǵany týraly aqparat rastalmady. Qaýipti zattar tabylǵan joq, - dep habarlady departamentten.
Eske salaıyq, buǵan deıin Astanada bomba qoıyldy dep jalǵan aqparat taratqan adam Ýkraınada ustaldy.
Jyl basynan beri jalǵan aqparat taratqan 60-qa jýyq adam jaýapqa tartyldy.
