Almatyda ýnıversıtet mańynda jylý qubyry jaryldy
ALMATY. KAZINFORM – Almatyda josparly synaq kezinde AlmaU ýnıversıtetiniń janynda jylý qubyry jaryldy.
«Almaty jylý júıesi» málimetinshe, jylý berý maýsymyna daıyndyq aıasynda júrgizilip jatqan josparly gıdravlıkalyq synaq kezinde saǵat 4:35 shamasynda Hýsaınov kóshesindegi magıstraldy qubyr jelisi jarylǵan.
— Dıametri 500 mm bolatyn qubyrdaǵy aqaýdy jedel túrde apattyq brıgada oqshaýlandy. Aldyn ala málimet boıynsha jarylystyń sebebi — 1987 jyly paıdalanýǵa berilgen qubyrdyń tozýy. Synaq kezinde barlyq qaýipsizdik sharasy saqtalǵanymen, tótenshe jaǵdaılar bolýy múmkin, — dep habarlady «Almaty jylý júıesi».
Sonymen qatar kompanııa mundaı jaǵdaı bolǵan kezde óz betinshe áreket etpeýdi, oqıǵa ornynan dereý ketip, telefon arqyly «Almaty jylý júıesine» habar berýdi surady.
Eske salaıyq, buǵan deıin Almatyda 40 jyl qoldanylǵan qubyr aýystyrylatynyn jazǵanbyz.