Almatyda ýnıversıtet ǵımaratynan stýdent qulap, kóz jumdy

ALMATY. KAZINFORM — Almatyda bıikten qulaǵan stýdent qyz kóz jumdy.

Jelidegi málimetke sáıkes, 1-kýrs stýdenti Ál-Farabı atyndaǵy QazUÝ rektoratynyń ǵımaratynda 14-qabattan sekirgen.

Almaty qalasynyń polıtsııa departamenti bul derek rastap, qylmystyq is qozǵady.

— Atalǵan derek boıynsha Bostandyq aýdandyq polıtsııa basqarmasy qylmystyq is qozǵady. Qazirgi ýaqytta oqıǵanyń mán-jaıy anyqtalyp jatyr. Aldyn ala málimet boıynsha, oqıǵaǵa turmystyq sebepter túrtki bolǵan. Azamattardan jalǵan aqparat taratpaýǵa jáne tek resmı derekkózderge súıenýge shaqyramyz, — dep habarlady departamentten.

Eske salaıyq, buǵan deıin Aqtaýda áıel joǵary qabattan qulap, mert boldy.