Almatyda úlken úsh saıabaq jańartylmaq
ALMATY. KAZINFORM – Almatyda Tuńǵysh Prezıdent, «Atakent» jáne «Ońtústik» saıabaqtary abattandyrylady. Bul týraly Erbolat Dosaev Bostandyq aýdany turǵyndarymen kezdesýde málimdedi.
Shahar basshysynyń aıtýynsha, Bostandyq aýdanyndaǵy qoǵamdyq keńistikter men sýburqaqtardy rekonstrýktsııalaýǵa jáne abattandyrýǵa jobalaý-smetalyq qujattama ázirlenedi.
«Qalanyń tarıhı biregeıligin eskere otyryp, qoǵamdyq keńistikterdi sapaly qaıta qurý maqsatynda Tuńǵysh Prezıdent saıabaǵyn, Atakent» aýmaǵyn, «Ońtústik» saıabaǵyn, Nur-Alataý shaǵyn aýdanyndaǵy skverdi qaıta jańartý men abattandyrýǵa, Tsırk aldyndaǵy, Mustafın kóshesiniń boıyndaǵy jáne ál-Farabı atyndaǵy QazUÝ stýdentter saraıynyń aldyndaǵy sýburqaqtardy kúrdeli jóndeýden ótkizý úshin jobalaý-smetalyq qujattama ázirlenip jatyr», - dedi Erbolat Dosaev.
Jobalyq qujattamanyń memlekettik saraptamasy osy jyldyń jeltoqsan aıynda daıyn bolady.
Eske salaıyq, byltyr Almatyda «Ońtústik» saıabaǵy memleket menshigine qaıtarylǵan bolatyn. Ákimdik jeke kompanııaǵa 2,3 mlrd teńgeden astam soma ótemaqy tóledi.
Sondaı-aq Álııa men Mánshúk atyndaǵy saıabaqty qalpyna keltirý jumystary kúzde aıaqtalatyny týraly jazǵan bolatynbyz.
