Almatyda úlken qoıma órtke orandy

ALMATY. KAZINFORM - Almatydaǵy Alataý aýdanynda úlken qoıma órtke orandy.

TJM taratqan derekke qaraǵanda, tilsiz jaý ǵımarattyń qasbetinen shyqqan. Qutqarýshylar órtti birneshe saǵat boıy sóndirdi.

«Sóndirý jumysy qoıma ishindegi plastıkalyq buıymdardyń tyǵyz júktelýimen jáne tútinniń joǵary qoıýlyǵymen qıynǵa soqqanymen, órt 400 sharshy metr alańda oqshaýlandy», - delingen vedomstvo taratqan aqparatta.

Sodan soń TJM jalynnyń tolyǵymen sóndirilgenin habarlady. Órttiń odan ári taralýyna jol berilgen joq.

Órttiń sebebi anyqtalýda, zardap shekkender de anyqtalmady.

TJM kásipkerlerdi órt qaýipsizdigi talaptaryn qatań saqtaýǵa shaqyrady.