Almatyda UQK Shekara akademııasynyń kýrsanty kóz jumdy

ALMATY. KAZINFORM – Áleýmettik jelilerde UQK Shekara akademııasy kýrsantynyń qaza tapqany týraly aqparat tarady. Polıtsııa osyǵan qatysty qylmystyq is qozǵady.

Belgili bolǵandaı, túngi ýaqytta 19 jastaǵy jigit Almatydaǵy Dostyq dańǵylyndaǵy kópqabatty úıden sekirip ketken. Bul fakti boıynsha Medeý aýdandyq polıtsııa bólimi qylmystyq is qozǵady.

«Oqıǵanyń sebebi men mán-jaıy anyqtalyp jatyr», - dep túsindirdi qalalyq Polıtsııa departamentiniń baspasóz qyzmeti.

Aıta keteıik, qyrkúıek aıynda Qazaqstanda birneshe qaıǵyly oqıǵa boldy.

Máselen, Aqtaýda áskerı bólimderdiń biriniń vzvod komandıri qatardaǵy B.-ǵa qyzmettik tapanshadan oq atqan, ol qaza tapqan.

44 jastaǵy serjanttyń máıiti Qurlyq áskerleri Áskerı ınstıtýtynyń aýmaǵynan tabyldy.

Jýyrda Aıagóz garnızony áskerı bólimi ofıtseriniń máıiti qyzmetten tys ýaqytta turǵylyqty jerindegi páterden tabyldy.

Petropavl qalasyndaǵy úılerdiń biriniń jertólesinen jumystan tys ýaqytta kelisimshart boıynsha jumys isteıtin áskerı qyzmetshiniń máıiti tabyldy.