Almatyda TJ mınıstriniń kýbogy bastaldy
ASTANA. KAZINFORM – Almaty qalasyndaǵy Halyk Arena muz aıdynynda Tótenshe jaǵdaılar mınıstriniń shaıbaly hokkeıden aýmaqtyq bólimsheler arasyndaǵy kýbogynyń saltanatty ashylýy ótti. Týrnır elimizdiń barlyq óńirinen kelgen qutqarýshylardyń basyn qosty.
Týrnırdiń saltanatty ashylý rásimine qurmetti qonaqtar retinde Tótenshe jaǵdaılar mınıstrligi «BATYR TEAM» sport klýbynyń atqarýshy dırektory Ádil Qaıyrbaev, Qazaqstan hokkeı federatsııasynyń atqarýshy dırektory Rýstam Ibraev, KSRO-nyń órt-qutqarý sporty boıynsha eńbek sińirgen sport sheberi Valerıı Ýsov, máslıhat depýtattary, sondaı-aq «Galaxy Service» JShS dırektory Beslan Bekov jáne «Almaty qalasynyń sport ǵımarattary dırektsııasy» JShS bas dırektory qatysty.
Oıynnyń alǵashqy kúni komandalar 12 match ótkizip, joǵary daıyndyq deńgeıin, jyldamdyq pen jeńiske degen jigerin kórsetti. Qatysýshylar «A» jáne «B» toptaryna bólindi, ár topta tórt komandadan óner kórsetýde.
Mınıstrlik málimetinshe, erteń týrnırdiń ekinshi oıyn kúni ótedi. Onyń qorytyndysy boıynsha fınalǵa shyǵatyn komandalar, qola júldegerler jáne 5–8 oryndar úshin kúresti jalǵastyratyn komandalar anyqtalady.
Aıta keteıik, fýtboldan Qazaqstan ulttyq quramasynyń bas bapkeri Talǵat Baısýfınov maýsym aıynda ótetin eki joldastyq kezdesýge qatysatyn oıynshylardyń naqty tizimin jarııalady.
