Almatyda turmystyq qaldyqtardy kýponǵa aıyrbastaý aktsııasy ótip jatyr
ALMATY. KAZINFORM – Almatyda «Taza Qazaqstan» ekologııalyq naýqany aıasynda «Qoqysty kofe/snekke aıyrbasta» aktsııasy ótip jatyr.
Almaty qalasy Kásipkerlik jáne ınvestıtsııalar basqarmasynyń málimetine sáıkes, 15 sáýir men 30 sáýir aralyǵynda almatylyqtar eki tonnadan astam (2 310 kg) qaıtalama shıkizat ótkizip, 1 435 kýpon alǵan.
Turmystyq qatty qaldyqtardy qabyldaý pýnkteri 1 mamyr kúni memlekettik merekege oraı jumys istegen joq. Búgin qaıta jandanǵan naýqan aıasynda Almaty turǵyndary qaıta óńdeletin qoqystardy 8 mamyrǵa deıin kýponǵa aıyrbastaı alady.
«Qoqysty kofe/snekke aıyrbasta» aktsııasy qaldyqtarmen baılanysty máseleler men olardy qaıta óńdeýdiń mańyzdylyǵy týraly habardar bolýǵa baǵyttalǵan. Qatysýshylarǵa makýlatýra, plastıkalyq bótelkeler, alıýmınıı bankalar, shyny bótelkelerdi qosa alǵanda, qaıta óńdeý úshin óz betinshe belgili bir mólsherde qaıtalama shıkizat jınaý usynylady.
Jınalǵan materıaldar qaıtalama shıkizatty qabyldaý pýnktterine kelesi mekenjaılar boıynsha tapsyrylady:
1. Alataý aýdany, Ecosen, Nurkent shaǵynaýdany, 7/1
2. Almaly aýdany, Ecosen, Baızaqov kóshesi, 73/1
3. Áýezov aýdany, Kazakhstan Waste Recycling, 8-shi shaǵynaýdan, 58a
4. Áýezov aýdany, Kazakhstan Waste Recycling, Aksaı-3 sh/a, 1a/1
5. Bostandyq aýdany, Kazakhstan Waste Recycling, Tımırıazev kóshesi, 81/3, dúńgirshek
6. Bostandyq aýdany, Ecosen, Rozybaqıev kóshesi, 247/3
7. Medeý aýdany, Kazakhstan Waste Recycling, Samal-1 sh/a, 32-dúńgirshek
8. Medeý aýdany, Hello Eco ekotaýarlar dúkeni, Samal-2 sh/a, 56A úı
9. Jetisý aýdany, Qazybaev kóshesi, 264a (Karına Trading)
10. Naýryzbaı aýdany, Raıymbek dańǵyly, 548/2
11. Túrksib aýdany, Jas Qanat sh/a, 1/28
«Qoqysty kofege/taǵamǵa aıyrbastańyz» aktsııasy týraly 2 GIS qosymshasynan tıisti mekenjaılardyń tizimin kórýge bolady. Ár materıal úshin kýponnyń bes túri usynylady: pıtstsa, býrger, kofe, doner jáne dodster.
Kýpondardyń 2024 jyldyń 8 mamyryna deıin jaramdy.