Almatyda Túrkistan oblysynyń 20 jastaǵy turǵynynan mefedronnyń iri partııasy tabyldy

ALMATY. KAZINFORM – Almatylyq polıtseıler kólik arqyly esirtkini tasymaldaǵan esirtki satýshysyn qolǵa túsirdi.

Almaty qalalyq polıtsııa departamentiniń málimetinshe, esirtki satýshysyn ustaý sharasyn «Býran-050» patrýldik ekıpajanyń kómegimen esirtki qylmysyna qarsy kúres bóliminiń qyzmetkerleri júrgizdi. Kúdikti Toyota Camry kóligimen jolaýshy retinde júrgen.

«Jeke tintý kezinde kúdiktiden quramynda erekshe ıisi bar aq tústi untaq zaty bar 25 býma tárkilendi. Al kólik ishindegi oryndyqtyń astynan osyǵan uqsas 44 býma tabylyp, tárkilendi. Tárkilengen zattarǵa sot-hımııalyq saraptama júrgizildi, nátıjesinde olardyń mefedron esirtki zaty ekendigi anyqtaldy», – dedi Almaty qalalyq polıtsııa departamenti bastyǵynyń orynbasarynyń mindetin atqarýshy Qýatbek Naýatov.

Atalǵan derek boıynsha sotqa deıingi tergeý júrgizilip jatyr.

Sondaı-aq polıtsııada QR QK-niń 201-babyna sáıkes ózge aqparat tergeý múddesine oraı jarııa etilmeıtinin habarlady.

«QR Konstıtýtsııasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady» - dep habarlady polıtsııada.