Almatyda týrısterge arnalǵan resmı gastrogıd usynyldy
ALMATY. KAZINFORM — Jańa gıdte qala qonaqtary úshin 140-tan astam tamaqtaný orny men gastronomııalyq baǵyt qamtylǵan.
Almaty ákimdiginiń málimetinshe, týrıster arasynda gastronomııanyń tanymaldyǵy artyp kele jatqanyna qaramastan, shaharda gastronomııalyq baǵytta qyzmet kórsetetin gıdter joqtyń qasy. Osyǵan baılanysty Almaty Tourism bıýrosy arnaıy gastronomııalyq gıd ázirlegen.
Gıd birneshe taqyryptyq baǵytty qamtıdy. Atap aıtqanda:
— «Klassıkalyq týr» — Almatynyń tarıhyn taǵamdar arqyly tanystyrady.
— «Dástúrli gıd» — qazaq ulttyq taǵamdaryna tanyp-bilýge múmkindik beredi.
— «Mýltımádenı gıd» — as máziri arqyly elimizdiń mádenı alýan túrliligin kórsetedi.
— «Taý men gastronomııa» — belsendi demalysta tatyp kórýge turarlyq dám toptasyn usynady.
Sonymen qatar «Instagrambl-marshrýt» kórkem lokatsııalardy, al Art& Eat ónerge baǵyttalǵan oryndardy tanystyrady. Joba úsh tilde — qazaq, orys jáne aǵylshyn tilderinde daıyndalǵan. Gıdtiń baspa nusqasy týrısterge taratylmaq, al aǵylshyn tilindegi nusqasy shekaralyq baqylaý pýnktterinde jáne týrıstik aqparattyq ortalyqtarda qoljetimdi bolady.
Eske salaıyq, byltyr Almatyda halyqaralyq Almaty Food Fest 2024 festıvali ótken bolatyn. Oǵan 15 myńnan astam adam keldi.