Almatyda týrısterden 150 dollar jolaqy alǵan taksı júrgizýshisi jazalandy
ALMATY. KAZINFORM — Almatyda sheteldik týrısterden zańsyz alynǵan qarajat qaıtaryldy.
Qalalyq polıtsııa departamentiniń málimetinshe, Úndistannyń eki azamaty Almaty áýejaıynan qalanyń joǵarǵy bóligine deıin taksımen barǵan. Biraq júrgizýshi olardan jolaqy úshin 150 AQSh dollar talap etken. Sondyqtan sheteldik qonaqtar polıtsııaǵa júgingen.
— Tekserý barysynda júrgizýshiniń jeke basy jedel anyqtalyp, zańsyz alynǵan qarajat sheteldik azamattarǵa tolyq kólemde qaıtaryldy. Atalǵan derek boıynsha júrgizýshige qatysty ákimshilik materıaldar jınalyp, zańdy sheshim qabyldaý úshin mamandandyrylǵan aýdanaralyq ákimshilik quqyqbuzýshylyqtar jónindegi sotqa joldanady, — dep habarlady departamentten.
Almaty polıtsııasy jolaýshylardy, onyń ishinde qala qonaqtaryn aldap, zańsyz paıda tabýǵa baǵyttalǵan kez kelgen áreket zań aıasynda qatań baǵalanatynyn eskertti.
Eske salaıyq, elimizdiń úsh qalasynda pılotsyz taksı iske qosylady.
