Almaty turǵyndaryna kóktaıǵaq pen tumanǵa baılanysty eskertý jasaldy
ALMATY. KAZINFORM – Almatynyń tótenshe jaǵdaılar departamenti «Qazgıdromet» usynǵan daýyldy eskertýge baılanysty qala turǵyndary men qonaqtaryna úndeý jasady.
Boljam boıynsha, 16-17 qańtar kúnderi Almatyda tuman túsip, kóktaıǵaq bolady. Taýly aımaqtarda da tuman jáne aýa temperatýrasy kúrt tómendeıdi.
Osyǵan baılanysty tótenshe jaǵdaılar departamenti turǵyndarǵa jeke qaýipsizdik sharalaryn saqtaýdy jáne ýaqytsha taýǵa shyqpaýdy eskertti.
Sondaı-aq aldaǵy sýyq kúnderge baılanysty turǵyndarǵa birqatar saqtyq sharasyn ustaný eskertildi.
Atap aıtqanda:
• tútin qubyrlarynyń germetıkalyq jaǵdaıda bolýyn qadaǵalap, janý ónimderinen bólinetin kómirqyshqyl gazynyń taralýyna jol bermeý;
• elektr jelilerin jáne elektr qurylǵylaryna shamadan tys júkteme salmaý qajet.
Eske salaıyq, buǵan deıin qar jaýyp, aýa temperatýrasynyń tómendeýine baılanysty Almatynyń kommýnaldyq qyzmeti kúsheıtilgen jumys rejımine aýystyrylǵanyn jazǵanbyz.
