Almatyda turǵyndardyń shaǵymynan keıin «Trı bogatyrıa» keshenindegi qurylys toqtatyldy
ALMATY. KAZINFORM — Almatynyń qalalyq josparlaý jáne qala qurylysy baqylaý basqarmasy Dostyq dańǵyly, 44-úıdegi № 142 turǵyn emes úı-jaıǵa jospardan tys tekserý júrgizdi.
Áleýmettik jelide turǵyndar «Trı bogatyrıa» turǵyn úı kesheninde kúrdeli qurylys jumystary júrgizilip jatqanyn jáne bul olardyń páterleriniń qaýipsizdigine áseri etýi múmkin ekenin jazǵan edi.
Qalalyq josparlaý jáne qala qurylysy baqylaý basqarmasy málimetinshe, nysan tekserý júrgizilip, onyń baoysynda «Jasa Development» JShS qajetti ruqsat jáne jobalyq qujattamasyz qaıta jańǵyrtý jumystaryn bastaǵany anyqtalǵan. Osyǵan baılanysty ákimshilik sharalar qabyldandy.
— Nysan ıesine anyqtalǵan zań buzýshylyqtardy joıý, ǵımaratqa tehnıkalyq tekserý júrgizý jáne belgilengen talaptar oryndalǵanǵa deıin qurylys-montaj jumystaryn toqtatý týraly nusqama berildi, — dep habarlady basqarmadan.
Sonymen qatar tekserý barysynda ǵımarattyń kótergish qurylymdaryna áser etpegeni jáne olardyń tutastyǵyna zaqym kelmegeni anyqtalǵan.
— Turǵyndar nysanǵa shaqyrylyp, basqarma qyzmetkerleri tekserý nátıjesin sol jerde túsindirdi. Menshik ıesi nusqamada kórsetilgen talaptardy oryndap, qajetti qujattardy rásimdegennen keıin ǵana jumysty jalǵastyra alady, — dep atap ótti basqarmadan.
Eske salaıyq, buǵan deıin Almatyda zańsyz salynǵan dúken buzyldy.
