Almatyda turǵyndardy elektroshokermen qorqytqan er adam jazalandy

ALMATY. KAZINFORM – Almatyda qoǵamdyq oryndarda elektroshokerdi qoldaný arqyly aınalasyndaǵylardy qorqytqan 34 jastaǵy qala turǵyny jaýapkershilikke tartyldy. 

Polıtsııa qyzmetkerleriniń habarlaýynsha, er adam elektroshokerdi adamdarǵa tikeleı qoldanbaǵanymen, ony túrli zattarǵa paıdalanyp, qaýip tóndiretin jaǵdaı jasap, ótip bara jatqandardy qorqytqan. Bul áreket qoǵamdyq tártipti buzý retinde tirkeldi.

Bul derek boıynsha ol usaq buzaqylyq jáne arnaıy quraldardy zańsyz qoldaný faktileri boıynsha jaýapqa tartyldy. Mamandandyrylǵan aýdandyq ákimshilik sottyń sheshimimen quqyq buzýshy kináli dep tanylyp, 10 táýlikke qamaldy. 

Polıtsııa ókilderi azamattarǵa qaýip tóndiretin nemese qorqytatyn kez kelgen áreketke quqyqtyq turǵyda baǵa beriletinin atap ótti. 

– Elektroshoker tikeleı adamǵa qoldanylmasa da, ony qoǵamdyq oryndarda kórsetý men paıdalaný aınaladaǵylardyń úreıine, dúrbeleńge sebep bolýy múmkin. Mundaı áreketter qoǵamdyq tártipti buzý bolyp esepteledi jáne jaýapkershilikke ákeledi. Azamattardy tártip normalaryn saqtaýǵa úndeımiz, - dedi Almaty polıtsııa departamenti qoǵamdyq qaýipsizdik basqarmasynyń bastyǵy Ashat Qulbaev. 

Eske salaıyq, buǵan deıin Soltústik Qazaqstan oblysynyń turǵyny elektroshoker úshin ákimshilik jazaǵa tartylǵanyn habarlaǵanbyz.