Almatyda turǵyndardan 600-den astam pyshaq pen sýyq qarý tárkilendi
ALMATY. KAZINFORM — Almaty polıtsııasy tyıym salynǵan zattardy anyqtaý jáne zańsyz aınalymnan alý jumystaryn kúsheıtti.
Qalalyq polıtsııa departamentiniń málimetinshe, júrgizilgen is-sharalar nátıjesinde 681 dana pyshaq, kastet, taıaqsha jáne qoǵamdyq qaýipsizdikke qater tóndiretin ózge de zattar tárkilendgen.
— Pyshaq, kastet jáne ózge de tyıym salynǵan zattardy alyp júrýge zańmen qatań tyıym salynǵan. Bul úshin jaýapkershilik kózdelgen. Ásirese kámeletke tolmaǵandarǵa erekshe nazar aýdarylyp otyr. Qurmetti ata-analar, balalaryńyzdyń qandaı zattardy alyp júretinin baqylaýdy suraımyz jáne olardy zańsyz áreketterge tartýǵa jol bermeńizder, — dedi Qoǵamdyq qaýipsizdik basqarmasynyń bastyǵy Tımýr Noǵaevbaev.
Eske salaıyq, Almaty oblysy Talǵar aýdany Nura aýylynda 24 jastaǵy jigit pyshaq jaraqatynan mert boldy. Polıtsııa qylmys jasady degen kúdikpen úsh kúdiktini ustady.
