15:41, 18 Qarasha 2025 | GMT +5
Almatyda turǵyndar tańdaǵan 32 joba júzege asyryldy
ALMATY. KAZINFORM – Óńirlik kommýnıkatsııalar qyzmetinde Túrksib aýdanynyń ákimi Baqytjan Aqjarov 2025 jyly «Halyq qatysatyn bıýdjet» baǵdarlamasy aıasynda qoǵamdyq keńistikti damytatyn 32 jobanyń iske asyrylǵanyn habarlady.
Bıyl aýdan aýmaǵynda:
— 7 jańa kelbetke ıe bolǵan alańqaı,
— 6 jańa jaıaý júrginshiler aımaǵy,
— 6 abattanǵan aýla aýmaǵy,
— 6 avtomatty sýarý júıesi,
— 3 balalar men sport alańdary,
— 4 syrtqy jaryqtandyrý jelisi paıda boldy.
Ákimniń aıtýynsha, turǵyndar aýdannyń damýyna qoldaý bildirip otyr. Qazir 2026 jylǵa 359 rekordtyq ótinish túsken, bul týrksibtikterdiń belsendi bola túsip, baǵdarlamaǵa úlken senim artyp otyrǵanyn kórsetedi.
Aıta keteıik, Almatyda kommýnaldyq tólem boıynsha taǵy bir qyzmetti onlaın oryndaýǵa bolady.
