Almatyda turǵyndar shaǵymynan keıin Saın kóshesiniń avtobýs jolaǵyna ózgeris engizildi
ALMATY. KAZINFORM — Almatynyń Saın kóshesinde pılottyq rejımde avtobýs jolaǵy iske qosyldy.
Bul sheshim almatylyqtar arasynda qyzý talqylanyp, júrgizshiler tarapynan teris pikirler aıtyldy. Almaty ákimdigi áleýmettik jelilerde jarııalanǵan pikirler men usynystar eskerilgenin málimdedi.
Jol qozǵalysy jáne jolaýshylar kóligin uıymdastyrý basqarma basshysynyń orynbasary Ashat Jamalovtyń aıtýynsha, turǵyndar pikirinen keıin kóshe qıylystaryndaǵy kirý jáne shyǵý aımaqtarynda pýnktırli syzyqtardyń uzyndyǵy ózgerdi. Avtobýs jolaǵyndaǵy úzik syzyqtardyń uzyndyǵy buryn 20 metr bolsa, endi 40 metrge deıin ulǵaıtyldy.
— Bul júrgizýshiler úshin jolaq aýystyrýdy yńǵaıly ári túsinikti etedi, — dedi vedomstvo ókili.
Eske salaıyq, 20 maýsymnan bastap Saın kóshesiniń Rysqulov dańǵylynan Mustafın kóshesine deıingi bóliginde pılottyq rejımde qoǵamdyq kóliktiń arnaıy jolaǵy jumys iske qosyldy. Qoǵamdyq kólik joly kóshede sary túspen bólindi.
Sondaı-aq buǵan deıin Saın kóshesiniń jańadan ashylǵan bóliginde jol qozǵalysy qandaı ekenin jazǵanbyz.
