Almatyda turǵyndar shaǵymynan keıin bazar mańyndaǵy saýdagerler tekserilip jatyr
ALMATY. KAZINFORM — Almatynyń Jetisý aýdanynda, Soltústik aınalma kóshesiniń boıynda ornalasqan «Baısat» jáne «ıAlıan» saýda ortalyqtarynyń mańyndaǵy zańsyz saýda oryndaryn joıýǵa baǵyttalǵan kezekti reıd ótti.
Іs-sharany Jetisý aýdany ákiminiń apparaty prokýratýra jáne polıtsııa organdarymen birlesip uıymdastyrdy.
Reıd barysynda abattandyrý qaǵıdalaryn buzǵany úshin Qazaqstan Respýblıkasy Ákimshilik quqyq buzýshylyq týraly kodeksiniń 505-baby boıynsha 24 ákimshilik hattama toltyryldy. Sonymen qatar belgilenbegen oryndarda saýda jasaǵan azamattarǵa Kodekstiń 204-baby boıynsha 15 ákimshilik hattama rásimdeldi.
Qala ákimdiginiń málimetinshe, bul jumystar qalalyq ortanyń tazalyǵy men qaýipsizdigin qamtamasyz etýge baǵyttalǵan «Zań men tártip» qaǵıdatyn iske asyrý aıasynda júrgizilip jatyr.
Aıta keteıik, buǵan deıin turǵyndar «Baısat» jáne «ıAlıan» saýda ortalyqtarynyń mańynda zańsyz saýdanyń kóbeıgenine birneshe ret shaǵymdanǵan bolatyn. Olardyń aıtýynsha, jol jıegindegi beıbereket saýda kólik qozǵalysyna kedergi keltirip, keptelistiń artýyna sebep bolǵan.
Eske salaıyq, buǵan deıin Qazaqstanǵa 500 mln teńgeniń veıpin zańsyz ákelmek bolǵandar ustalǵanyn habarlaǵanbyz.
