Almatyda turǵyn úılerdi basqarýshy kompanııalarǵa 10 mln aıyppul salynǵan
ALMATY. KAZINFORM — Almatyda bıyl kóppáterli turǵyn úılerdi basqaratyn uıymdarǵa 300-den astam tekseris júrgizý josparlanyp otyr.
Almaty qalasy kommýnaldyq ınfraqurylym jáne turǵyn úı ınspektsııasy basqarmasy basshysynyń orynbasary Jandos Qaıyrhanovtyń aıtýynsha, qazir qaladaǵy 9,6 myń kóppáterli turǵyn úıdi 2,5 myńnan astam Múlik ıelereniń birlestigi (MIB), Páter ıelereniń kooperatıvi (PIK) jáne basqarýshy kompanııalar basqarady.
Byltyr olarǵa 265 tekseris júrgizilip, 66 ákimshilik hattama toltyrylǵan. 37 nysan 10 mln teńgeden astam somaǵa jaýapqa tartylǵan. Bıyldyń ózinde 151 tekseris bastalyp ketipti.
— Turǵyn úıdiń tozýyna baılanysty kóp ótinish tústi. Ýaqytyly kúrdeli jóndeý jasamaǵan, qurylym men ınjenerlik júıeler eskirgen, osynyń bári aınalyp kelip úlken máselege bolyp otyr. Sondyqtan bıyl 100 úıdi jóndep, 45 jedelsaty aýystyrýdy josparlap otyrmyz. Bul 300 jańa jumys ornyn ashýǵa múmkindik beredi, — dedi Jandos Qaıyrhanov.
Sondaı-aq ol qoldanystaǵy PIK-ter bıyl shilde aıyna deıin qaıta tirkeýden ótýge tıis ekenin atap ótti. Ol úshin HQKO arqyly ótinish, jınalys hattamasy men tirkeý alymynyń tólengeni týraly qujat tapsyrý kerek. Belgilengen merzimde talap oryndalmaǵan jaǵdaıda kooperatıvterdi májbúrli túrde taratý rásimi qarastyrylǵan. Odan bóek zańda ýaqytsha basqarýshy kompanııalar ınstıtýty kózdelgen. Bul jańa úılerge de, sondaı-aq turǵyndary basqarý nysanyn áli tańdamaǵan nysandarǵa da qatysty.
Eske salaıyq, Almatynyń Túrksib aýdanynda 150-den astam eski turǵyn úı súriledi.
