Almatyda turǵyn úıdiń jerasty turaǵyn zańsyz satý deregi tekseriledi
ALMATY. KAZINFORM — Almatyda «Dragon City» turǵyn úı kesheniniń turǵyndary jerasty turaǵyn zańsyz qaıta satý, qazandyqtyń jumysy jáne jerasty úı-jaıynda transformatorly qosalqy stantsııany ornalastyrý sııaqty birqatar ózekti máseleler kóterdi.
«Dragon City» turǵyn úı kesheniniń turǵyndary Almaty ákimi Darhan Satybaldymen kezdesý kezinde óz shaǵymdaryn bildirdi. Olardyń aıtýynsha, bastapqy joba boıynsha páterler parkıngpen birge satylǵan. Alaıda keıinirek sharttar ózgerip, kólik oryndarynyń quny 3-ten 10 mln teńgege deıin ósken. Odan keıin bul aýmaq tolyǵymen kommertsııaǵa berilgen. Turǵyndar pikirinshe, bul áý bastan josparlanǵan alaıaqtyq ádis.
Almaty ákimi jaýapty organdarǵa osyndaı sheshimderdiń qalaı qabyldanǵanyn, kim ruqsat berip, qujattarǵa kim qol qoıǵanyn anyqtaýdy tapsyrdy.
— Іs-qımyl algorıtmi Ekonomıkalyq tergeý departamentimen, prokýratýra, TJ jáne basqa da qyzmettermen birlesip ázirlenetin bolady. Qajet bolsa, transformatorlyq qosalqy stantsııany aýystyramyz. Eń bastysy — keshenniń 2 jarym myńǵa jýyq turǵynnyń qaýipsizdigi men ómirine tónetin kez kelgen qaterdiń aldyn alý, — dedi ákim.
Eske salaıyq, buǵan deıin Almatyda aýdan ákimderi qatań sógis aldy.