Almatyda turǵyn úıdiń kireberisinde týysqanyn óltirgen áıel ustaldy

ALMATY. KAZINFORM – Polıtsııa departamentiniń málimetine sáıkes, Almaly aýdanyndaǵy úılerdiń biriniń kireberisinde denesinde pyshaq jaraqattary bar er adamnyń máıiti tabylǵan.

«Bul qylmys «izin sýytpaı» ashyldy. Qylmys jasady degen kúdikpen polıtsııa ekıpajy áıel adamdy ustady. Ol qaıtys bolǵan er adamnyń týysy. Olardyń arasynda kıkiljiń bolyp, nátıjesinde áıel adamnyń qolyna pyshaq alǵandyǵy belgili boldy. Kisi óltirý deregi boıynsha qylmystyq is qozǵaldy. Saraptamalar taǵaıyndaldy. Basqa da mán-jaılary anyqtalýda», — dedi Almaly aýdandyq polıtsııa basqarmasynyń bastyǵy Oljas Sháripov.

Aıta ketken jón, QR Konstıtýtsııasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.

Eske salaıyq, buǵan deıin Almatyda esirtki zerthanasy joı̆ylǵanyn jazǵanbyz.