Almatyda turǵyn úıdi jańǵyrtý baǵdarlamasyna qalaı qatysýǵa bolady

ALMATY. KAZINFORM – Almatyda 2023-2029 jyldarǵa arnalǵan turǵyn úı-kommýnaldyq ınfraqurylymdy damytý tujyrymdasy aıasynda eskirgen turǵyn úılerdi jańartýǵa bolady.

Almaty qalasy Kommýnaldyq ınfraqurylymdy damytý basqarmasynyń málimetinshe, Raıymbek dańǵyly, 206 «K» úıiniń turǵyndary turǵyn úı qoryn jańǵyrtý baǵdarlamasyna qatysqan. Onda qazir barlyq ınjenerlik jeliler aýystyrylyp (ystyq jáne sýyq sýmen jabdyqtaý, jylytý, káriz), shatyr jóndelgen jáne yńǵaıly tsıfrlyq júıemen basqarylatyn jańa lıftiler ornatylǵan.

- Barlyq jumystar bekitilgen jobalaý-smetalyq qujattamaǵa sáıkes júrgizildi jáne qabyldandy. Turǵyn úıdi jańǵyrtý baǵdarlamasynyń artyqshylyqtary: 7 jyldan 15 jylǵa deıin bólip tóleý, paıyzdar eseptelmeıdi, oryndalǵan jumystarǵa kepildik merzimi – 24 aı, úıdiń jaǵdaıy jaqsaryp, kommýnaldyq shyǵyndary azaıady jáne páterlerdiń naryqtyq qunyn arttyrady, – dep habarlady Almaty qalasy Kommýnaldyq ınfraqurylymdy damytý basqarmasy.

Turǵyn úı qoryn jańǵyrtý baǵdarlamasyna qalaı qatysýǵa bolady?

1. Aldyn ala smetany jáne aqaý aktisin ázirleýge basqarý organynan ótinish.

2. Jalpy jınalys hattamasy (menshik ıeleriniń 51%-dan astamynyń kelisimimen).

3. Bekitilgen aqaý aktisi jáne aldyn ala smetalyq esep.

4. Páterge menshik quqyǵy týraly bastamashyl toptan anyqtama.

5. Páterler men turǵyn emes úı-jaılardyń alańdary.

6. Basqarý organynyń quryltaı qujattary jáne qatysýshy úıge qyzmet kórsetý quqyǵyn rastaý (hattama, shart, senimhat).

7. Úıdiń tehnıkalyq tólqujatynyń kóshirmesi.

- Ótinim bergennen keıin «Almaty turǵyn úı» JShS mamandary ǵımarattyń jaı-kúıine baǵa berip, modernızatsııalaýdyń ońtaıly nusqalaryn usynady, – dep málimdedi basqarmadan.

Eske salaıyq, sáýir aıynda Almatyda daýyl saldarynan 28 aǵash qulap, 3 shatyr ushqan edi.