Almatyda turǵyn úı mańynda máıit tabyldy

ALMATY. KAZINFORM — Almatynyń Alataý aýdanynda máıit tabyldy. 

Áleýmettik jelide «Alatau city» turǵyn úı kesheni mańynda adamnyń máıiti tabylǵany týraly aqparat tarady. Qalalyq polıtsııa departamenti bul aqparatty rastady.

Bul derek boıynsha Alataý aýdandyq polıtsııa basqarmasy zorlyq belgileri joq máıittiń tabylýyna baılanysty sotqa deıingi tergeýdi bastady.

— Aldyn ala málimetter boıynsha turaqty mekenjaıy joq adamnyń ólimine ótkir júrek-qantamyr jetkiliksizdigi sebep bolýy múmkin, — dep habarlady polıtsııa departamentiniń baspasóz qyzmeti.

Eske salaıyq, buǵan deıin Almatyda qamys arasyndaǵy kólik ishinen er adamnyń denesi tabyldy.