Almatyda Turǵyn úı kesheni kúzetshisiniń ólimine qatysty qylmystyq is sotqa tústi

ALMATY. KAZINFORM — Almatydaǵy «Merkýr Taýers» turǵyn úı kesheniniń kúzetshisin kóligimen birneshe ret basyp óltirgen kúdiktige qatysty tergeý aıaqtalyp, is sotqa tústi.

— Almaty qalasynyń qylmystyq ister jónindegi mamandandyrylǵan aýdanaralyq sotyna kúdikti T.- ǵa qatysty qylmystyq is tústi. Oǵan QR Qylmystyq kodeksiniń 99-baby 2-bóliginiń 5 tarmaǵy (Asa qatygezdikpen kisi óltirý) jáne 147-babynyń 5-bóligi boıynsha aıyp taǵylyp otyr, — delingen habarlamada.

Sonymen qatar, sottalýshyny óziniń tanysy A-ǵa qatysty pornografııalyq beınerolıkterdi áleýmettik jeliler arqyly taratqany úshin aıyptalyp otyr.

Sot otyrysy áli taǵaıyndalǵan joq. Buǵan deıin sotqa deıingi tergeý sot-psıhıatrııalyq saraptamaǵa baılanysty toqtatylǵan bolatyn.

Keıin tergeý qaıta bastaldy. 

Eske salaıyq, 2024 jyldyń naýryz aıynda «djıp» kóligin mingen júrgizýshi «Merkýr Taýn» elıtalyq turǵyn úı kesheniniń kúzetshisin birneshe ret basyp qana qoımaı, ony uryp-soqqan. Saldarynan er adam aýrýhanada kóz jumdy.