Almatyda turǵyn úı aýlasynda jappaı tóbeles boldy
ALMATY. KAZINFORM — Almatynyń Alataý aýdanynda bir top adam arasynda janjal boldy. Áleýmettik jelide oqıǵanyń beınejazbasy tarady. Ondaǵy málimetke sáıkes, tóbeles «Kaspıı» turǵyn úı kesheninde bolǵan.
Qalalyq polıtsııa departamenti janjalǵa qatysqan kúdiktiler ustalǵanyn habarlady. Alataý aýdandyq polıtsııa basqarmasy buzaqylyq deregi boıynsha qylmystyq is qozǵaǵan.
— Oqıǵaǵa qatysqan 6 adamnyń barlyǵy anyqtalyp, ustaldy jáne ýaqytsha ustaý ızolıatoryna qamaldy. Kúdiktilerdi qylmystyq jaýapkershilikke tartýǵa baǵyttalǵan keshendi tergeý sharalary júrgizilip jatyr. Mundaı áreketter qoǵamdyq tártip pen azamattardyń qaýipsizdigin óreskel buzady, — dedi Alataý aýdandyq polıtsııa basqarmasynyń bastyǵy Edilhan Baıǵaraev.
Eske salaıyq, buǵan deıin Almatydaǵy túngi klýbtardyń birinde jóspirimder janjal shyǵardy. Sondyqtan balalardy tárbıeleý jónindegi mindetterin tıisinshe oryndamaǵany úshin ata-analaryna qatysty ákimshilik shara qoldanyldy. Al jasóspirimderdiń ózderi profılaktıkalyq esepke alyndy.