Almatyda turǵyn úı aýlasynda er adam balaǵa kúsh kórsetken
ALMATY. KAZINFORM — Almaty polıtseıleri turǵyn úı kesheniniń aýmaǵynda balaǵa kúsh kúsh kórsetken er adamdy qamaýǵa aldy.
Balalar alańynda bolǵan oqıǵa beınebaqylaý kamerasyna túsip qalǵan. Kadrdan er adamnyń balalarǵa jaqyndap kelip, olardyń birin ıtergeni kórinedi. Saldarynan bala dene jaraqatyn alǵan.
— Kúdikti osy turǵyn úı kesheniniń turǵyny. Aldyn ala málimet boıynsha oqıǵaǵa balalardyń oıyn kezindegi janjaly sebep bolǵan. Osydan keıin er adam máseleni óz betinshe sheshpek bolǵan, — dep habarlady qalalyq polıtsııa departamentinen.
Polıtsııa balaǵa dene jaraqatyn keltirý deregi boıynsha qylmystyq is qozǵady. Kúdikti qamaýǵa alyndy. Qazir qajetti tergeý áreketteri júrgizilip jatyr.
Eske salaıyq, Aqmola oblysyndaǵy balalar lagerinde alty bala ýlandy.
