Almatyda týrfırma qyzmetkerin qaıshymen jaraqattaǵan áıel qamaýǵa alyndy
Almatyda týrfırmanyń birinde janjal shyǵaryp, qyzmetkerin qaıshymen jaraqattaǵan áıel qamaýǵa alyndy, dep habarlaıdy Kazinform.
Oqıǵa boıynsha Almaly aýdandyq polıtsııa basqarmasynda tergeý júrip jatyr. Polıtsııanyń málimetinshe, oqıǵa sotqa deıingi tergeýdiń biryńǵaı tizilimine QR QK-niń 389-baby 3-bóligi boıynsha tirkeldi.
«Kúdikti - 1978 jyly týǵan I. esimdi áıel, QR Qylmystyq is júrgizý kodeksiniń 128-babyna sáıkes ýaqytsha ustaý ızolıatoryna qamaldy. Jábirlenýshiniń alǵan jaraqatynyń aýyrlyǵyn anyqtaý maqsatynda sot-medıtsınalyq saraptama taǵaıyndaldy. Qylmystyq is boıynsha júrgizilgen tergeý sharalary kesheniniń qorytyndysy boıynsha protsessýaldyq sheshim qabyldanatyn bolady», - dedi Almaty qalalyq polıtsııa departamenti bastyǵynyń orynbasary, polıtsııa polkovnıgi Qaırat Nurmaǵambetov.
Eske salaıyq Almatyda týrfırmanyń qyzmetine shaǵymdanǵan áıel kompanııa qyzmetkerine shabýyl jasaǵan bolatyn. Saldarynan jábirlenýshiniń basyna qaıshy kirip ketken edi.
