Almatyda turaqqa talasqan er adam kórshisin pyshaqtap óltirdi degen kúdikke ilindi
ALMATY. KAZINFORM — Almatyda kórshiler arasynda úı aýlasyndaǵy avtoturaqqa kólik qoıýǵa baılanysty janjal shyǵyp, sońy ólimmen aıaqtaldy.
Oqıǵa 4 qazan keshke bolǵan. Jelide taraǵan aqparatqa sáıkes, Danıl Şetkın uly men dostarymen birge qala syrtyna demalýǵa ketken. Úıge oralǵanda, avtoturaqtaǵy beıtanys kólikti kórgen.
Ol kórshisinen kóligin alyp tastaýdy surap, sonyń kesirinen arada janjal týyndaǵan. Kórshisi janjaldan keıin aǵasyn shaqyrǵan. Ol Danıldyń moınyna pyshaq suǵyp, er adam mert boldy.
Almatydaǵy Áýezov polıtsııasy oqıǵaǵa qatysty qylmystyq is qozǵady. 37 jastaǵy kúdikti ýaqytsha ustaý ızolıatoryna qamaldy.
— Qazir oqıǵanyń barlyq mán-jaıyn tolyq, tolyq jáne obektıvti túrde anyqtaý úshin birqatar tergeý is-sharalary júrgizilip jatyr. Tergeý jumystaryn Almaty qalalyq polıtsııa departamentiniń basshylyǵy baqylap otyr, — delingen Almaty polıtsııa departamentiniń málimdemesinde.
Eske salsaq, Almatyda es-tússiz kúıdegi er adamdy páterinen kóterip áketken edi.
Keıin polıtsııa adam ólimi boıynsha tórt kúdiktiniń ustalǵanyn málimdedi.
