Almatyda tuńǵysh ret Bekzat Sattarhanov týraly qoıylym sahnalandy
ALMATY. KAZINFORM – Almatydaǵy memlekettik qýyrshaq teatrynda dańqty boksshy, Sıdneı Olımpıadasynyń chempıony Bekzat Sattarhanovqa arnalǵan «Chempıon» qoıylymy sahnalandy.
Teatr baspasóz qyzmetinen atap ótkendeı, qoıylymda Bekzattyń dúnıege kelýinen bastap, onyń chempıon ataǵyn alǵan sátke deıingi ǵumyry baıandaldy. Sahnadaǵy sportshynyń bolmysy jas jetkinshekterdi qaısarlyqqa, ójettilikke, batyldyqqa, shydamdylyqqa tárbıeleıdi.
Tuńǵysh ret sahnalaǵan qoıylymnyń maqsaty – bolmysy bólek boks sheberi, ult maqtanyshy, az ǵana ǵumyrynda 143 jekpe-jek ótkizgen birtýar boksshynyń asqaq rýhyn qýyrshaq obrazynda kórsetý.
«20 jastaǵy kishkentaı jap-jas bala, sonshama jerge baryp olımpıadanyń chempıony bolý degenimiz bul qudyret. Onyń ar jaǵynda búkil halyqtyń tarıhy tur. Onyń ar jaǵynda saqtar tur. Onyń ar jaǵynda ǵundar tur. Onyń ar jaǵynda myń ólip myń tirilgen Alqakól sulama tur, onyń ar jaǵynda kókbóriniń rýhy tur»,- deıdi qoıylym rejısseri Orazáli Aqjarqyn-Sársenbek.
Jasóspirimder aýdıtorııasyna arnalǵan drama janryndaǵy qoıylymnyń rejısseri – Qazaqstannyń eńbek sińirgen qaıratkeri, teatr ardageri Orazáli Aqjarqyn-Sársenbek, avtory – Halyqaralyq «Alash» ádebı syılyǵynyń júldegeri, dramatýrg Álibek Baıbol, sýretshisi – ıÝlııa Chernova, Anýar Búrkitbaev, mýzykamen kórkemdeýshi – Baqbergen Baıshyǵash, horeografy – Anna Tsoı.
