Almatyda túngi ýaqytta polıtsııa qyzmetkerlerinen qashqan kólik ustaldy
ALMATY. KAZINFORM — Tártip saqshylary júrgizýshi kýáligi joq 2006 jylǵy azamatty ustady.

Áleýmettik jelide polıtsııa kóligi túngi ýaqytta jeńil kólikti qýyp júrgen beınejazba tarady.
Almaty qalasy Polıtsııa departamentiniń málimetinshe, oqıǵa 10 naýryz kúni 03:00 shamasynda Shalıapın jáne Altynsarın kósheleriniń qıylysynda bolǵan. Departament beınejazbadaǵy kólik kóp uzamaı ustalǵanyn habarlady.
— 2006 jylǵy kólik júrgizýshisi jol júrý erejelerin óreskel buzǵandyqtan, polıtsııa qyzmetkerleri ony toqtatqan. QR Ákimshilik kodeksi 612-baptyń 2-tarmaǵy boıynsha hattama toltyrylyp, kólik aıypturaqqa qoıyldy. Belgili bolǵandaı, kólikti basqarǵan azamattyń júrgizýshi kýáligi joq, — dep habarlady polıtsııadan.
Eske salaıyq, buǵan deıin Almatyda 1 aptada taǵy 500 moped tirkelgenin jazǵanbyz.