Almatyda túngi klýbtyń aspazy esirtki taratty degen kúdikke ilindi
ALMATY. KAZINFORM – Almatyda polıtsııa qyzmetkerleri turǵyndardyń jappaı demalys oryndarynda psıhotroptyq zattardyń zańsyz aınalymynyń jolyn kesý maqsatynda arnaıy operatsııa júrgizdi.
Jedel is-sharalar nátıjesinde qalanyń oıyn-saýyq oryndarynyń birinde as úı qyzmetkeri esirtki zattaryn taratty degen kúdikpen jumys ornynda ustaldy.
Polıtsııanyń málemetinshe, sanktsııalanǵan jeke tintý barysynda kúdiktiden untaq tárizdi zattar men ózine tán ıisi bar ósimdik tektes massa tárkilendi. Atalǵan zattar psıhotroptyq jáne esirtki quraldary bolýy múmkin degen boljammen saraptamaǵa jiberildi.
Kúdikti ustalǵannan keıin polıtsııa qyzmetkerleri onyń turǵylyqty mekenjaıy boıynsha qosymsha tintý sharalaryn júrgizdi. Qazirgi ýaqytta kúdikti qamaýǵa alyndy.
Eske salaıyq, buǵan deıin Almatyda ınternetten nusqaý alyp, esirtki taratqan jas jigit ustalǵanyn habarlaǵanbyz.