Almatyda túngi klýbta esirtki satqan er adam sottaldy

ALMATY. KAZINFORM – Almatyda esirtki satýshy 10 jylǵa bas bostandyǵynan aıyryldy.

Almaty qalalyq PD esirtki qylmysyna qarsy kúres basqarmasynan málim etkendeı, byltyr qyrkúıek aıynda tártip saqshylary oıyn-saýyq mekemesiniń aýmaǵynda sıntetıkalyq esirtki satyp júrgen 27 jastaǵy jigitti ustaǵan. 

«1996 jyly týǵan R. esimdi azamat túngi klýbqa kelýshiniń atyn jamylyp, esirtki taratýmen aınalysqan. Ustalǵan kezde, ony tintý barysynda quramynda sıntetıkalyq zaty bar, ashyq tústi, untaq túrindegi baılam tabyldy. Shóp tárkilenip, sot-hımııalyq saraptamaǵa jiberildi. Sotqa deıingi tergeý QR QK-niń 297-baby boıynsha tirkeldi», - dep atap ótti Almaty qalalyq PD esirtki qylmysyna qarsy kúres basqarmasynan.

Polıtsııadan atap ótkendeı, sot úkimimen 28 jastaǵy R. esimdi azamat QR QK-niń 297-baby 3-bóliginiń 6-tarmaǵynda kózdelgen qylmysty jasaǵany úshin kináli dep tanylyp, 10 jylǵa bas bostandyǵynan aıyryldy.