Almatyda túnde tóbeles shyǵarǵan bir top azamat ustaldy
ALMATY. KAZINFORM – Almatyda turǵyn úı kesheniniń aýlasynda túngi ýaqytta bolǵan janjaldyń beınejazbasy tarady.
Onda jerde jatqan eki jigitti birneshe adamnyń aıaýsyz uryp jatqanyn kórýge bolady.
Almaty qalasy Polıtsııa departamentiniń málimetinshe, oqıǵa Túrksib aýdanynda 4 tamyz kúni saǵat 03:50 bolǵan. Ózara tanys 5 er adam sózge kelip, bylapyt sózder aıtyp, janjal shyǵarǵan jáne turǵyndardyń tynyshtyǵyn buzǵan.
— Oqıǵaǵa qatysqan barlyq azamattyń jeke basy anyqtalyp, jaýapkershilikke tartyldy. Olardyń ekeýine qoǵamdyq orynda mas kúıinde júrgeni úshin ákimshilik aıyppul salyndy. Sonymen qatar, bes azamattyń barlyǵyna qatysty usaq buzaqylyq deregi boıynsha ákimshilik materıaldar jınaqtalyp, protsessýaldyq sheshim qabyldaý úshin sotqa joldandy, — dep habarlady departamentten.
Eske salaıyq, buǵan deıin Almaty metrosynda tóbeleskenderge aıyppul salyndy.
