Almatyda túnde Seıfýllın – ál-Farabı jolaıryǵy ýaqytsha jabylady
ALMATY. KAZINFORM – Almatyda 3 qazan saǵat 22:00-den 4 qazan saǵat 08:00-ge deıin Bostandyq aýdanynda Seıfýllın dańǵylynan ál-Farabı dańǵylyna shyǵatyn jolaıryqta kólik qozǵalysy jartylaı shekteledi.
«Almaty jylý jelileri» JShS habarlaýynsha, ýaqytsha shekteý magıstraldyq qubyr jelisinde júrgiziletin jóndeý jumystary kezinde jol qozǵalysy qaýipsizdigin qamtamasyz etý úshin engizilip otyr.
– Seıfýllın dańǵyly boıymen soltústik jáne ońtústik baǵyttaǵy qozǵalys ózgerissiz saqtalady, - delingen habarlamada.
Kompanııa qala turǵyndary men qonaqtarynan ýaqytsha qolaısyzdyqtarǵa túsinistikpen qaraýdy ótindi.
Eske salaıyq, 2025 jylǵy 3 qazanda Almatynyń Almaly aýdanyndaǵy Shákárim kóshesinde taratý jylý jelisindegi qubyr zaqymdandy.
Apat saldarynan Shákárim — Prokofev — Qulymbetov — Brýsılovskıı kósheleri aýmaǵyndaǵy tutynýshylarǵa ystyq sý berý ýaqytsha toqtatyldy.