Almatyda tumaý juqtyrǵandary sany 10 myńnan asty
ALMATY. KAZINFORM – Almatyda JRVI men tumaý aýrýlary boıynsha epıdemıologııalyq jaǵdaı turaqty. Bul týraly Sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova aıtty.
Onyń aıtýynsha, megapolıste jiti respıratorlyq vırýstyq ınfektsııalarmen (JRVI) syrqattanýdyń maýsymdyq ósýi baıqalady. Ótken aptada tumaý men JRVI-diń 10914 jaǵdaıy tirkelgen. Alaıda bul ótken jyldyń uqsas kezeńindegi kórsetkishterden 22,8%-ǵa tómen (13799 jaǵdaı). Aýrý juqtyrǵandardyń basym bóligi balalar - 54,8% (5979 jaǵdaı).
- Osy jyldyń onynshy aptasynda qalanyń 149 mektebiniń oqýshylary arasynda JRVI juqtyrýdyń 445 jaǵdaıy tirkeldi. Oqýshylar qysqy demalysta. Odan bólek qalada A/H3N2 tıpti tumaý vırýsy, sondaı-aq rınovırýs, RS vırýs, paragrıpp, adenovırýs, metapnevmovırýs jáne maýsymdyq koronavırýs sııaqty basqa da tumaýǵa jatpaıtyn JRVI vırýstary aınalymda bar, - dedi Ásel Qalyqova.
Departament ókili emhanalarda temperatýrasy bar naýqastar bólek qabyldanatynyn atap ótti. Al shaqyrýlardy qabyldaý jáne JRVI, tumaý aýrýymen aýyratyndarǵa kómek kórsetý úshin qosymsha telefon men avtokólikter bólingen, kezekshi dárigerlerdiń jumys isteý kestesi uzartylǵan.
Eske salaıyq, buǵan deıin almatylyqtar arasyndaǵy allergııanyń negizgi sebebi ataldy.
