Almatyda tumaý juqtyrǵandardyń sany 15 myńǵa jaqyndady

ALMATY. KAZINFORM – Almatyda paragrıpp, rınovırýs, maýsymdyq koronavırýs sııaqty jiti respıratorly vırýsty ınfektsııa (JRVI) vırýstary aınalymda bar. Bul týraly Almatynyń bas sanıtarııalyq dárigeri Qasymhan Alpysbaıuly aıtty.

Onyń sózinshe, ótken aptada qala aýmaǵynda JRVI-diń 14979 jaǵdaıy tirkeldi. Ótken jyldyń uqsas kezeńdegi kórsetkishten 15,1%-ǵa joǵary, byltyr 12413 jaǵdaı bolǵan. Tumaý juqtyrǵandardyń basym bóligi balalar - 56,9%.

- Táýekel tobyndaǵy adamdarǵa tumaýǵa qarsy ekpe salý úshin jergilikti bıýdjet qarajatyna reseılik «Grıppol plıýs» vaktsınasynyń 250 000 dozasy satyp alyndy. Táýekel tobyndaǵy adamdardy vaktsınalaý 25 qyrkúıekten bastaldy. Osy jyldyń qarashasyndaǵy jaǵdaı boıynsha tumaýǵa qarsy barlyǵy 245 415 adam egildi, bul qalanyń jalpy halqynyń - 10,5 paıyzy, - dedi ol.

Sondaı-aq Qasymhan Alpysbaıuly JRVI men tumaýdyń aldyn alý úshin S dárýmenin qabyldap, oksolın syqpasyn qoldanýǵa keńes berdi.

Aıtýynsha, jappaı is-sharalar ótetin oryndarǵa barýdy qysqartyp, aýyrǵan jaǵdaıda óz betimen em-dom qoldanbaı, medıtsına qyzmetkerin shaqyrýy qajet. Túshkirgende jáne jótelgende aýyzdy qolmen, oramalmen jaýyp, qoldy jıi jýý kerek. Budan bólek bala aýyrǵan jaǵdaıda mektepke, balabaqsha jibermegen jón.

Eske salaıyq, buǵan deıin Almatyda tumaýǵa qarsy vaktsınalaý bastalatynyn jazǵanbyz.