Almatyda tumaý juqtyrǵandar sany qaıta kóbeıip keledi

ALMATY. KAZINFORM – Almaty sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova shahardaǵy epıdjaǵdaı týraly aıtty.

Onyń sózinshe, jiti respıratorlyq vırýstyq ınfektsııalarymen (JRVI) syrqattanýshylar sany birshama ósken. Ótken aptada JRVI-diń 13980 jaǵdaıy tirkeldi. Bul onyń aldyndaǵy apta kórsetkishterinen 6,8% joǵary, ol kezde 13083 jaǵdaı bolǵan. Tumaý juqtyrǵandardyń 59,7%-y balalar - 8348 jaǵdaı.

- Qalanyń 188 mektebinde oqýshylar arasynda JRVI juqtyrýdyń 1263 jaǵdaıy tirkeldi. Jalpy kórsetkish shekti deńgeıden aspaıdy. Qalada A/H3N2 tıpti tumaý vırýsy, sondaı-aq rınovırýs, paragrıpp, adenovırýs, maýsymdyq koronavırýs sııaqty basqa da tumaýǵa jatpaıtyn JRVI vırýstary aınalymda bar. Tumaýǵa qarsy vaktsınatsııalanbaǵan adamdar arasynda gonkong tumaýynyń 82 rastalǵan jaǵdaıy tirkeldi, - dedi ol.

Eske salaıyq, buǵan deıin Almatyda jedel járdem shaqyratyndar azaıa bastaǵanyn jazǵan edik.