Almatyda tumaý men JRVI juqtyrǵandar sany artty

ALMATY. KAZINFORM – Almatyda bir aptada 18 524 adam jiti respıratorlyq vırýstyq ınfektsııa juqtyrǵan (JRVI).

Almaty qalalyq sanıtarlyq-epıdemıologııalyq baqylaý departamenti basshysynyń orynbasary Ásel Qalyqovanyń aıtýynsha, megapolıste JRVI syrqattanýshylyq boıynsha maýsymdyq kóterilý baıqalady.

– Bir aptada jedel respıratorlyq vırýstyq ınfektsııanyń 18 524 jaǵdaıy tirkeldi, 100 myń turǵynǵa shaqqandaǵy syrqattanýshylyq kórsetkishi — 808,02. Bul ótken jyldyń sáıkes kezeńimen salystyrǵanda 15,2%-ǵa tómen, biraq aldyńǵy aptamen salystyrǵanda 28,5%-ǵa joǵary (13 244 jaǵdaı).

Jańa epıdemııalyq maýsym bastalǵaly 263 084 jiti respıratorlyq vırýstyq ınfektsııa jaǵdaıy tirkeldi.

– Qarasha aıynyń ortasynan beri tumaýdyń 106 rastalǵan jaǵdaıy tirkeldi. Onyń 96- sy A/H1N1 tıpti. Qalǵan 10 naýqasta tumaýdyń V túri anyqtalǵan. Barlyq patsıentke emdeý taǵaıyndaldy, jaǵdaıy qanaǵattanarlyq, — deıdi Ásel Qalyqova.

Aıtýynsha, qalada rınovırýs, bokavırýs, RS vırýs, adenovırýs, paragrıpp, maýsymdyq koronavırýs aınalymda júr.

Almatyda metapnevmovırýs aýrýy tirkelmedi. 

Qazir metapnevmovırýsqa qarsy arnaıy vaktsına joq.