Almatyda túlekter avtokorteji toqtalyp, 21 ata-ana jaýapqa tartyldy
ALMATY. KAZINFORM – Almatyda tártip saqshylary jol erejesin buzǵan mektep túlekteriniń avtokólikterin toqtatty.
Qalalyq polıtsııa departamentiniń málimetinshe, sońǵy qońyraýǵa arnalǵan saltanatty is-shara qarsańynda mektep túlekteri avtosherý uıymdastyrǵan.
- Mundaı sharalarǵa tyıym salynatyny týraly eskertýge qaramastan bir top túlek jol qozǵalysy qaýipsizdigin óreskel buza otyryp, qala kóshelerimen avtokortej uıymdastyrǵan. Qabyldanǵan sharalardyń nátıjesinde 21 kámeletke tolmaǵan jasóspirimniń ata-anasy bala tárbıeleýdegi mindetterin tıisinshe oryndamaǵany úshin jaýapqa tartyldy, - dep habarlady departamentten.
Sonymen qatar polıtsııa qyzmetkerleri Qazaqstan Respýblıkasynyń Ákimshilik quqyqbuzýshylyq týraly kodeksinde kózdelgen kólik quraldaryn paıdalaný qaǵıdalaryn buzý faktileri boıynsha 5 ákimshilik hattama toltyrdy. Kólik quraldary mamandandyrylǵan aıyp turaǵyna qoıyldy.
Eske salaıyq, buǵan deıin Almaty polıtsııasy mektep túlekterine úndeý jasaǵan bolatyn.
