Almatyda týysyn kóshede pyshaqtap óltirgen er adam ustaldy

ALMATY. KAZINFORM – Almatyda kisi óltirgen er adam ustaldy.

Jelidegi málimetke sáıkes, kúdikti men onyń qaıyn atasy arasynda janjal týyp, ol týysyna birneshe ret pyshaq suqqan.

Almaty qalasynyń polıtsııa departamenti bul derek boıynsha Medeý aýdandyq polıtsııa basqarmasy qylmystyq is qozǵaǵanyn habarlady.

— Kúdikti «izin sýytpaı» ustalyp, ýaqytsha ustaý ızolıatoryna qamaldy. Qazirgi ýaqytta sotqa deıingi tergeý amaldary júrgizilip jatyr. Tergeý barysynda qylmystyń turmystyq sebeppen, er adamdar arasyndaǵy aýyzsha janjal kezinde jasalǵany anyqtaldy, — dep habarlady polıtsııa departamentiniń baspasóz qyzmeti.

Eske salaıyq, buǵan deıin Almatyda avtobýs ishinde egde jastaǵy azamatty urǵan adam ustaldy.